Israel vanlawng ralkap a ṭuan liomi kum 20 nu Yael Shelbia hi “Kum 2020 Vawlei Cung Nu Dawhbik Asi” tiah TC Candler nih a thim. TC Candler cu kum 1999 thokin kum fatin vawlei cung nu dawhbik le pa dawhbik thimnak a tuah pengmi asi.
Yael Shelbia, kum 20 cu atu hi Instagram ah 1.3 million followers bak a ngei manh cang. Na duh cun mah hi hmet law follow ve.
Wonder Woman lemcang a ṭuanmi Israel mintami Gal Gadot, kum 36 nakin let tam tukin aa dawh deuh an ti. Wonder Woman (Gal Gadot) cu nu dawhbik 21nk lawng ah an chiah.
![](https://thechinexpress.com/wp-content/uploads/2021/12/Wonder-Woman.jpg)
Yael Shelbia cu model zong a ṭuan pah i Kim Kardashian KKW Beauty ṭamhnak aiawhtu zong asi.
![](https://thechinexpress.com/wp-content/uploads/2021/12/nu-dawhbik-Yael-Shelbia-1019x1024.jpg)
Israel ram ahcun nu he pa he duh zong duhlo zongah kum 2 hrawng ralkap ṭuan asi caah Yael Shelbia cu Israel Vanlawng Ralkap a ṭuan cuahmah lio asi.
![](https://thechinexpress.com/wp-content/uploads/2021/12/Kum-2020-Nu-Dawhbik-Yael-Shelbia-kum-20-829x1024.jpg)
Mah pah cun Israel thilpuan company Renuar zong nih an thil cawngia piak dingin lahkhah tampi in an hlan.
![](https://thechinexpress.com/wp-content/uploads/2021/12/Kum-2020-Nu-Dawhbik-Yael-Shelbia-858x1024.jpg)
Kum 2017 ahkhan nu dawhbik 14nk asi. 2018 ah 3nk le 2019 ah 2nk in 2020 ah nu dawhbik ah an thim hi si.
![](https://thechinexpress.com/wp-content/uploads/2021/12/Yael-Shelbia-820x1024.jpg)
Yael Shelbia nih, “Zei hmanh ah pakhatnak ka si bal lo i tutan ah pakhatnak ka si cu … a nuam ngai,” tiah US ram, Los Angeles a tlawn lio ah Channel 12 news interview ah a rak chim.
![](https://thechinexpress.com/wp-content/uploads/2021/12/Yael-Shelbia-si-1024x1024.jpg)
“Ralkap na ṭuan pah cun zeitin dah US na hung tlawn khawh?” tiah an rak hal.
![](https://thechinexpress.com/wp-content/uploads/2021/12/Israel-ralkap-nu-dawhbik-822x1024.jpg)
“Israel ralkap cu a laih thei tuk. Meṭing le model rian um caan ahcun khunh an ka pek lengmang,” tiin a ra leh hna.
Atu hi TC Candler nih Kum 2021 Nu Dawhbik thimnak a tuah ṭhan liopi asi i aho dek an thim te hnga.