Myanmar ram, Kachin state i Hpakan pengah lunghring cawhnak a min i minung tampi a phum hna. Atutiang ah minung 1 ruak lawng an hmuh khawh rih. Minung tampi an bau rih.
Tu zingka Hpakan peng, Hmawsisa khuate pawngah lunghring cawhnak a min i tu zaanlei tiangah miruak 1 lawng an hmuh khawh rih, tiah khuami nih an chim.
Zingka 4:20am hrawngah Hmawsisa khuate pawng i Aungtharyahmaw 2 pawng tidil chung vawlei an hlonhnak hmunn a cimh ruangah lunghring pelpawi a kawlmi pawl a nenh hna i an tlau hi si.
“Tu zaanlei tiang ahhin miruak 1 lawng an hmuh rih. A tlawmbik minung 20 paoh cu an thi kho men,” tiah khuami pakhat nih a chim.
“Zingka leivor hlonh an i dinh lio si caah a thimi an tlawm deuh kho men. Tuan deuh ah min sehlaw minung a zaza an thi kho.
“Vawlei a minh lio ahhin a zaam khomi minung 50 hrawng an si.
“Cheukhat cu tipep kuaimi nih tidil chungah a khin hna i an nunnak him.
“Leivor hlonh an i dinh lio si caah a thimi an tlawm,” ati.
December 19 zongah Hpakan peng ah vawlei min i cuka cun tuni ah miruak 3 an hmuh hna.
