March 17 | Kalaymyo sandahpiahnak ah ralkap le palek nih Chinmi 3 an tlaih hna, tiah kan theih.
Zingka ah sandahpiahnak an kal hnu in atutiang chungkhar nih an pehtlai kho ti hna lo.
An tlaihmi 3;
- Leng Mang San Nuam,
- Val Lian Sian Muan le
- Val Cin Zuun Kim hna an si.
![](https://thechinexpress.com/wp-content/uploads/2021/03/161680263_3887384071330911_4649949396290258874_o.jpg)
![](https://thechinexpress.com/wp-content/uploads/2021/03/162195272_3887384497997535_8055860780866628097_n.jpg)
![](https://thechinexpress.com/wp-content/uploads/2021/03/161929552_3887582117977773_6375443016599071789_n.jpg)
Sandahpiahmi Chinmi 3 zong ralkap le palek nih an kah thah hna
Kalaymyo Taungphila sangum Salai Cung Lian Ceu, kum 25 cu “ralkap nih sandahpiahmi an kah hna” ti thawngpang a theih caah sandahpiahnak kalmi a nau nu khamh dingin a kal lio ah NyiNyiTun lakphak dawr hmai ah an kah.
Sizung kuat an timh nain palek nih mawṭaw in an kham hna caah tuan ah an phakpi kho lo. A ṭang ah an kah i a cuap khen caah a thihnak si, tiah kan theih.
![](https://thechinexpress.com/wp-content/uploads/2021/03/161787427_3971059079622105_8532253673377864626_n.jpg)
Salai Cung Lian Ceu cu Mandalay khua ah Pathian rianṭuanmi asi i Kalay a tlunnak ni 5 lawng si rih.
Kalaymyo Tahan sangum AG biakinn hmai ah tlangval Do Suan Kim, kum 20 cu ralkap le palek nih an kah thah i a ruak cu ralkap le palek nih an lak.
![](https://thechinexpress.com/wp-content/uploads/2021/03/do-suan-kim.jpg)
“Aruak cu atutiang kan la kho rih lo,” tiah chungkhar nih an chim.
Khaikham khua um ngakchia 3 hna i an pa pakhat zong Kalaymyo sandahpiahnak ralkap le palek nih an kah thah ve.