Uknak firtu Kawl Ralkap pawl nih Matupi-Mindat kar ah CDF nih a kan kah bantukin Mindat-Pakokku kar ah kah kan ton tinak hnga lo, tiin phaw caah hman dingin Mindat khuami tampi an tlaih hna.
Mindat khuami an tlaihmi hna pawl cu Mindat in Pakokku lei an kal chung vialte phaw caah hman dingin tu zingka ah ralkap motor ah an khin ve hna i an kalpi hna.
Tlaih tong kan thisa Mindat khuami hna an himnak hnga thlacam piak cio hna usih.
Matupi in Mindat lei a rami ralhrang motor 70 leng le tank 2 cu tu zingka ah Mindat in Pakokku lei ah an chuak.
Tank 2 cu tu zingka 9:45am ah Mindat in an chuak cang.
Ralhrang motor run pi cu Matupi le Mindat kar ah CDF-Mindat nih an bawh kah peng hna i tam taktak an thah hna pinah tampi an hliam hna.
Kalaymyo in Falam lei an rak kai lio zongah, an tlaihmi minung 3 cu phaw caah an i phorh hna.
Ref: Zalen
