Kawl ralhrang sin in meithal pakhat a la khomi cu US$1,000 (Kawlram 1.6 million kyats) pek nan si lai an ti, tiah Chin Nuhrin Covo Bu (CHRO) hruaitu Salai Bawi Lian Mang nih hmanthlak a tar.
Hmanthlak ahcun, “Rammi pakhat dirhmun in, ralhrang SAC ralkap sin in meithal pakhat a la khomi cu American dollar $1,000 laksawng pek nan si lai tiah CDF le ramdang phan Chin bu pawl nih thawngpang ṭha an thanh,” tiah Kawlca in aa ṭial.
Salai Bawi Lian Mang nih, “Rak share cio u law. Share nak in copy u law nan wall ah rak tar cio u. Cu nak hmanh in a ttha deuh rih mi cu khuakip hau ka ah ca in tar i FB ahmang kho lo mi zong nih rak hmuh kha asi. Credit pek hau lo,” ati.
Ral tuk tikah lungput ṭhawn a herh tuknak kong zong CNF ralkap hlun a simi Salai Bawi Lian Mang nih a chim.
“Ral ituk tik ah a biapi bik mi hi zapi nih cun hriamnam ah an ruah tawn. Raltuk nak lei ah strategy a thiam taktak mi nih cun raltuk nak ah a biapi bik mi cu morale lungput le khuaruah ningasi an ti.
“Na ral kha morale lungput le khuaruah nak in na tei cia lo ah cun zei tluk hriamnak ttha na neih ko zong ah na tei lai lo ti asi.
“Kan Chinram ah a rak lut mi ralhrang hna hi morale le lugnput in kan tei hmasa hna abiapi.
“Chin miphun hi cu kan tei bal hna lailo, cu caah cun kan mah kan pumpak him nnak tu kan kawl ah a ttha deuh ti an lung chung ah lut lak in kan tuah khawh hna a biapi,” ati.
