14.1 C
Hakha
Sunday, May 9, 2021
- Advertisement -

Ṭial Tharmi

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA nih 100 dengmang an thah hna, tiah The Irrawaddy tadinca nih a thanh.

Kachin state, Alaw Bum um Myanmar ralkap sakhan cu Kachin Luatnak Ralkap (KIA) nih March 25 ah a lak i amah sakhan ah aa hman. Mah thokin Myanmar ralkap nih lak ṭha an i zuam peng.

An sakhan cu lak ṭhan dingin liamcia ni 4 chung kha Myanmar ralkap nih vanlawng in a kah hna.

Mah sakhan ah a ummi KIA ralkap pawl cu kah dingin, Kachin state Momauk peng um Myanmar ralkap baṭalian 320 nih Nikhatni ah an rat hnawh hna.

Ralkap 100 hrawng a simi baṭalian 320 nih cun phu 2 i ṭhen in an rat hnawh hna. Nain, phu 1 cu KIA nih an thah dih deng hna, an hruaitu ralbawi pa zong an thah hnu ah lo diam an zaam.

A taangmi phu cu Nihnihni zaan ah KIA he an i kap. KIA nih tam taktak an thah ve hoi hna.

KIA biachimtu ralbawi Naw Bu nih, “Mah phu ralkap pawl kha cu an dihlak dengmang in kan thah dih hna. Pahnih silole pathum hrawng lawng an luat, i kan ralkap pawl nih an dawi hna lio si,” tiah a chim.

Nizaan tiangah, KIA nih Myanmar ralkap 38 a tlaih hna.

Mah lak cun, KIA sakhan lubik Laiza pawng um Mongsaiyan khuate ah rawlṭam in a buhri mi Myanmar ralkap 1 cu KIA nih an tlaih.

Mah ralkap nih cun, “Rawl kan ei lonak ni 8 asi cang, tantapum lawng kan ei ati,” tiah ralbawi Naw Bu nih a chim.

Myanmar ralkap nih mipi thimmi cozah uknak a chuhmi cu KIA nih a duhlo caah March 11 thokin Kachin le Shan states ah an i kap peng.

KIA nih ralkap le palek sakhan pawl a kah chuh thluahmah hna. “Rampumpi ah sandahpiahtu pawl na thah peng hna ahcun hi nak fak chinchin in kan in kah peng lai,” tiin a tlerh chap. — The Irrawaddy

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -