Kachin hriamtlai phu KIA nih, zahan zaan 7pm hrawngah Kachin state, Sumprabum khua in Myitkyina khua lei a kalmi Myanmar ralkap pawl an kah hna i 5 an thah hna.
Sumprabum khua in aa thawhmi Myanmar ralkap 30 hrawng cu Weishi khuate le Phongein khuate kar an phak lio ah KIA nih an kah hna i 5 an thah hna hi si.
A thimi ruak le hliam tongmi pawl cu Myitkyina lei an kalpi cangg hna, tiah KIA ralbawi pakhat nih a chim.
April 15 zaanlei zongah, Kachin state Bhamo khua in Sihat khua lei a kalmi Myanmar ralkap citmi mawtaw cu KIA bomb nih a puah i a kaang viar, tiah Kachin media Kachin Waves nih a thanh.
