Malaysia ah kakuaisi a phan, Feb 24 in chunh an thok lai

US hrambunh Pfizer le Germany hrambunh BioNTech company i bawm in an sermi COVID-19 kakuaisi cu nizaah ah Malaysia ram a phan cang. Thaizing kiptuh February 24 (Nithumni) in chunh hram an thok cang lai.

Mipi nih kakuaisi chunh an ngamhnak hnga, ram hruaitu Prime Minister Muhyiddin Yassin kan chunh hmasa cem lai, tiah Science, Technology le Innovation Vuanci Khairy Jamaluddin nih a chim.

A changtu ah ni fatin COVID-19 mizaw kong thawng a thanh pengmi ngandamnak director-general Dr. Noor Hisham Abdullah kan chunh lai, ati.

Kakuaisi a phanmi hi 312,390 lawng asi rih. Hmaisuang in pulrai dotu minung 271,802 an chunh hmasa hna lai. Minung 271,802 chungah acheu fai hi ngandamnak rianṭuan an si i a taangmi cu sii lei si loin lam dangin aa telmi an si.

Kakuaisi cu nizaan ahkhan Malaysia khua kip i kakuaisi chiahnak hmun 16 ah an kuat cang. Selangor state ah 6, Johor ah 4, Penang ah 2, Kuala Lumpur ah 3 le Putrajaya ah 1 tiin an kuat.

Pfizer kakuaisi cu Malaysia rammi acheu (12 million hrawng, kum tlinglo le naupawi cu chunh an si lai lo caah) caah an cawk. A taangmi cu zarh 2 dan pengin a phan lai.

Mah kakuaisi nih hin COVID-19 zawtnak 85% tluk a kham khawh.

Malaysia nih Pfizer sin lawng si loin company 5 le Covax sin zongah kakuaisi a cawk. A cawkmi dihlak hi chunh 66.7 million asi. COVID-19 kakuaisi cu voi 2 chunh a hauh caah milu nak let 2 tam in cawk a hau.

Kakuaisi cu Malaysia rammi 70% hrawng an chunh hna lai (ngakchia le naupawi chunh awk an ṭhat lo caah chunh awk ṭhami hi an rammi 70% hrawng an si. An rammi dihlak an chunh hna lai ti khawh si ko).

Khoh 3 in an chunh hna lai. Tutan cu hmaisuang in pulrai dotu pawl an chunh hna lai. Thaizing kiptuh in April thla tiang si lai.

Khoh 2nak cu April in August thla tiang si lai i COVID-19 chawnh a fawi deuhmi tar pawl usape an si lai. Khoh 3nk cu May in hmai kum February tiang si lai i kum 18 le cunglei paoh chunh dih an si te lai.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...