Malaysia ram a phanmi Kawlrammi pawl caah Myanmar cozah nih a khanmi vanlawng cu February thla thok in cun Nikhatni, Nithumni le Nilini paoh ah a tlung cang lai.
Myanmar cozah khan piakmi vanlawng voi 38 le Malaysia cozah khan piakmi vanlawng voi 6 (a dihlak voi 44) in Kawlrammi tampi an tlung cang.
Phungning tein a ummi 5,733, phungninglo in a ummi (Overstay) 201, lahwahkah thong (camp) in 1,950 (a zate fonh minung 7,884) cu Myanmar ram ah tlunter an si cang.
Myanmar ram ah tlung dingin fehter cangmi pawl cu Myanmar Tanzung nih a hlankan in an min cazin a tar tawn hna.
Vanlawng khoh khat a tlun fatin lahwahkah thong um Kawlrammi 40 hrawng telh lengmang an si.
Malaysia um lahwahkah thong 13 ah Myanmar rammi asi tiin fehter cangmi 2,000 hrawng an si i Myanmar ram tlung dingin sautuk an hngah cang caah anmah pawl cu a ran deuhnak in an tlun tuannak hnga tawlrel an timh hna.
February 4 ah avoi 48nk vanlawng a tlung tthan lai i lahwahkah thong ah a ummi Kawlrammi le phungninglo Kawlrammi pawl tlunter an si cang.
Covid-19 zawtnak ruangah lahwahkah thong cheukhat ah Myanmar Tanzung rianttuan pawl luh an sian hna lo caah Myanmar rammi pawl interview an tuah kho hna lo.
Luhnak nawl an pek hna tikah Myanmar rammi an si/lo interview an tuah than te hna lai.
Myanmar Tanzung nih phungninglo Kawlrammi hna lakah a ngandam lomi le naupawi pawl cu lahwahkah zung ah Check out Memo le Special Pass lak a bawmh hna i 154 an si cang.
Malaysia lahwahkah zung he an i ceih ning ah Zarhkhat ah minung 35 ca lawng lak khawh a si.
Cu ruangah, a tangmi Kawlrammi pawl nih mah tein lahwahkah zung ah appointment lak i Check out Memo le Special Pass sok ding in Myanmar Tanzung nih a forhfial hna.
February thla a Zarh 3nk in cun vanlawng pakhat ca ticket cawk tikah phungning tein a ummi (100), phungninglo in a ummi (35) le lahwahkah thong in (40) ca tiin cawk khawh si cang lai.
Covid-19 zawtnak um lio si ruangah vanlawng ticket cawk tikah MAI vanlawng ticket cawknak zung i ph +60321421199 ah chawnh in min le hmetpungtin pek hnu ah May Bank account number 514356400838 ah ticket man kuat in cawk khawh a si.
Myanmar Tanzung nih avoi 49nk le 50nk vanlawng in tlung dingmi min cazin zong a chuah cang.
-Myanmar Embassy in Kuala Lumpur, Malaysia
