Malaysia cozah nih ramdangmi telhin kan ram ummi vialte free in Covid-19 raikhamsii chunh dih an si lai a ti.
Covid-19 raikhamsii chunh cu tu thla dongh ah an thok lai. Nain, Malaysia rammi usape an si lai.
Ramdangmi zong free tein raikhamsii chunh kan timhmi hna hi kan minung hawi zawnruah lawng siloin kan ram ah zawtnak a thian khawhnak hnga caah a herhmi zong a si tiah cozah nih a ti.
Sinain, Malaysia rammi kan chunh dih hmasa hna hnu lawngah ramdangmi cu chunh an si te lai a ti.
Sehzung rianttuan ramdangmi sinah Covid-19 zawtnak tamtuk an hmuh caah ramdangmi zong chunh dingin bia an khiahnak hi a si.
“Malaysia ummi vialte raikhamsii kan chunh dih hna lawng ah kan ram ah zawtnak a thiang lai.
“Covid-19 zawtnak ngei ramdangmi thlopbulnak le quarantine nak ah tangka tamtuk kan dih.
“Ramdangmi rianttuan pawl hi kan ram sipuazi caah tampi san an tlai.
“Ramdang cheukhat zong nih an ram um kan rammi pawl Covid-19 raikhamsii an chunh ve hna,” tiah Malaysia cozah nih a ti. – The Star
