Mercy Malaysia siikhan nih Ralzaam le Asylum Seeker/UNHCR catlap aa tlaihmi pawl caah free tein Covid-19 test nak tuah a timh.
January 27 (Nithumni) le 29 (Ningani) ah free tein Covid-19 i test khawh si lai.
A hmun cu Jalan Laksamana 5, Kampung Laksamana, 68100 Batu Caves, Selangor a si. Pehtlaihnak 017-880 7970.
Cun, Pudu ah a ummi Qualitas siikhan ah Ralzaam le Asylum Seeker hna caah man deng tein Covid-19 i test khawh a si.
A hlei in Ralzaam le Asylum Seeker pawl cu voi khat test man ah RM70 lawng an lak hna.
Chun sml 12:45pm lawngin min cazin pek khawh a si i zaanlei sml 1:00pm in 3:00pm tiang test a si.
Minung 15 in a cunglei test duh ahcun appointment lak hmasat a hau, nain pumpak lawng cun va kal colh in vaa test khawh a si. – ACR
Covid-19 Mizaw Thar Thawngpang
Tuni ah Covid-19 zawtnak ngeimi 3,048 an hmuhchap hna.
Liamcia sml 24 chungah Covid-19 in a dammi 3,638 an si. A thimi 11 an um.
Mizaw thar hmuhmi lakah 8 cu zawtnak ngeicia in ramdang in a rung tlungmi an si. A tangmi paoh cu ramchung ah zawtnak aa chawnmi an si hna.
Mizaw thar hmuhmi lakah Selangor state in mizaw thar an tambik 1,035 an si. Cun, Johor (529 cases), Sabah (348 cases) le Kuala Lumpur (305 cases) hna nih an zulh ve. A tangmi state dang dang ah an si hna.
