28.1 C
Hakha
Thursday, April 15, 2021
- Advertisement -

Ṭial Tharmi

North Korea nih US President Biden a tlerh colh

North Korea nih, “Missile kan hneksakmi kongah US President Biden nih a kan mawhchiatmi hi US caah a ṭha lo, a zia aa ṭhinh lo ahcun US nih thil ṭha lo a ton khawh,” tiah a tlerh.

Ningani ahkhan North Korea nih ‘lam nai kahnak missile’ a hneksak caah US President Joe Biden nih, “North Korea nih missile a hneksakmi hi UN Security Council phungphai a buar, nain ramkhel biaruahnak tuah an duh ahcun timhcia ka si ko,” tiah a mawhchiat.

North Korea cozah TV KCNA nih, “Missile (a zuang khomi bomb) kan hneksakmi cu kan ram vennak caah kan hneksakmi asi. Kan ram kan i venmi Biden nih a kan mawhchiat hi cu president a ṭuan thokin avoi 1nak bik aa palhmi asi,” tiah a thanh.

“Hriamnam ṭhaṭha hmangin South Korea le US raltuk an cawnṭi caah kan ram i vennak caah missile kan hneksak vemi asi.

“Ram pakhat kan si ve batukin i vennak nawl kan ngei ve. I vennak caah punghman in missile kan hneksak tawnmi hna U.N. phungphai na buar a ka ti hi cu kan lungṭha lo ngai. Zeitluk in dah a kan huat ti a langhter..

“Biden nih mah bia a chimmi hi kan ram i vennak nawl a kan upat piak lo si i kan thin phawhnak thil a tuah si. Khua ruat huaha loin hi bantuk bia a chim rih ahcun US nih thil ṭha lo a ton khawh.

“Mi tlerhnak caah hriamnam kan sermi si lo. Kan ram vennak caah kan sermi asi.

“Hihi US cozah thar nih avoi 1nak bik aa palhmi si. Caanṭha um paoh ah ‘North Korea hi US himnak caah ṭihnung asi’ a kan ti colh peng,” ati.

US le South Korea cu nai kha North Korea pawng rili ah raltuk an cawngṭi i kan hnu zarh ahkhan an ngol. Mah cu North Korea nih “an kan tlerh” tiin aa ruah ve caah missile a hneksak ve hi si.

North Korea nih, “US hi misual (gangster) ruahnak a ngei. Lam hlapi um ramdang tiang a kap khomi missile tampi South Korea ah a hung phorh i kan inn hnulei ah a duh paoh in a hneksak. Kanmah vial cu i vennak missile hmete hneksak hmanh a kan sian lo.

“Zei dah kan tuah herh ti hi kan hngalh tuk dahkaw. Kan ralkap thazaang ṭhawnter chinchin a herh,” ati.

South Korea khualipi Seoul um Kyungnam University ah cachim a simi Kim Dong-yup nih, “North Korea biachimmi zoh tikah, hriamnaam ṭihnung pawl ser le hneksak thluahmah aa tim ti a fiang,” tiah a chim.

US khualipi Washington um Center for Strategic and International Studies nih, “Cuṭuh in North Korea kan zoh peng i nuclear sernak zen uranium a chuah peng ko. Nain 2017 hnu in bomb a hneksak bal lo,” tiah a chim – Trump cu a rak ṭih deuh ko rua.

- Advertisement -

Ṭial Tharmi

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...
- Advertisement -

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

UN: Myanmar buainak hi Syria bantukin ‘buainak fak taktak’ ah aa chuah kho

Minung 700 leng nunnak a la cangmi Myanmar buainak hi 'Syria bantuk buainak fak taktak ah aa chuah kho' tiah UN Human Rights zung...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -