PDF Zoland le Zomi Revolutionary Army (ZRA) cu tu zingka 6:30am ah Tedim peng, Thau khua le Ngawsing khua kar ah an i kap, tiah kan theih.
ZRA nih naite ah Zoland PDF hruaitu Cin Sian Sum an thah caah an karlak ah i huatnak a linhsat liopi asi.
PDF Zoland le a ṭanṭi Chin Joint Defense Committee (CNF, CDF, tbk) nih kan hnu zarh ah ZRA duhlonak cathanh fak pi an chuah.
ZRA ṭantu Tedim pawl nih cun, “CNA nih ZRA a kah…,” tiah mipi nih CNF/A huat hna seh tiin an hlen hna nain ZRA le PDF Zoland an i kahmi si, tiah kan theih.
“PDF min hmang in CNF/A nih miphun kongah Zomi ram chuh a kan timhmi asi. NUG dirhmi PDF piahtana asi lo. CNF le ZRA karlak miphun piahtana asi,” tiah ZRA tapeh pawl nih an chim.
Atutiang ahcun hliam tongmi le a thimi an um/lo theih khawh asi rih lo.
