Pi Aung San Suu Kyi i fapa hniang Dannian Kim Arundel Aris (Ko Htein Linn) nih anu he phone i chawnh khawhnak nawl halpiak ding in Myanmar-UK Ambassador U Kyaw Swar Min sin ah a hal.
Kim le U Kyaw Swar Min cu March 25 ah an i tong i anu he phone i chawn kho dingin tawlrelpiak dingin a hal tiah London khua um Myanmar Tanzung nih Facebook cahmai ah a ttial.
Kim nih anu caah a lungretheihnak le a dam/lo theih a duh caah phone chawnh khawhnak nawl halpiak dingin Tanzung palai U Kyaw Swar Min sinah a hal hi a si.
U Kyaw Swar Min nih atu lio Myanmar ram ah a cangmi thil sining a chimh i anu ca a lungretheihnak zong a theihthiampiaknak kong a chim.
