Nizaan ah ralkap le palek nih We Love Yangon zung an luhhnawh i Chin nu Ma Zuali inn dot 5 cung in a tla i a nunnak liam.
Ma Zuali, kum 35 cu nurse a si i CDM a lutmi a si tiah kan theih.
March 21 , zingka sml 11:30am hrawng ah Yangon khua, Mingalar Taung Nyunt (91) lam ah a ummi We Love Yangon zung cu ralkap le palek tampi nih an luhhnawh.
Ralkap le palek nih We Love Yangon zung innka an baoh lawng siloin a chungah an lut i mipi nih an hlutmi thilri pawl an lak/fir hna.
Cun, We Love Yangon zung i a cunglei ah a ummi Ma Zuali umnak inn ah ralkap le palek nih innka an kingh, meithal an puah. Inn chung ah an lut i zeidah a cang ti hngalh loin Ma Zuali cu innhnu lei in a tla i a nunnak liam.
A ruak cu anmah ralkap lila nih an lak.
Ma Zuali cu Kalaymyo, Tahan sang ah a ummi (mizo) a si.
