US ram um Vanzang khuami nih “Lakhruak Miphun Himnak (ENSF)” caah tiin Chin Miphun Ralkap (CNF/A) caah $175,000 (Kawlram ting thong 2 le cheu deng) an thawh cang, tiah kan theih.
$150,000 leng kan thawh lai tiin an i tinh nain an vun thawh thluahmah i atutiang ah $175,000 an thawh hi si.
![](https://thechinexpress.com/wp-content/uploads/2021/03/164034732_476874860125178_2193966200689137987_n.jpg)
Atu zong an thawh cuahmah liopi asi rih. $200,000 zong an tlinhte khawh men.
Thantlang peng ah a ummi Vanzang khua cu inn 120 hrawng lawng an si nain miphun caah tangka an hlutmi cu a tam taktak.
![](https://thechinexpress.com/wp-content/uploads/2021/03/163059955_5131830393557953_7696040664402864446_o-1024x781.jpg)
Minung pakhat nih $10,000, $5,000, $4,000 tbk in an thawh hna caah minung an tlawm nain hi zatzat a chuahnak hi si.
![](https://thechinexpress.com/wp-content/uploads/2021/03/162314568_4284409065018626_1616558287472504943_n.jpg)
CNF/A ca lawng si loin mipi ralkap duhlo langhternak (CDM) ca zongah an thawh cuahmah lio asi i tam ngai a chuak cang.
Vanzang khuami hi hlan lio Mirang nih a kan uk lio chan te khan ramkhel lei ah aa hliphlau ngaimi le ram le miphun a daw ngaimi an si. An lung zong aa rual.
![](https://thechinexpress.com/wp-content/uploads/2021/03/162276870_4284409275018605_7679933759972562026_n.jpg)
Chawlehnak (Sipuaizi) lei zongah an ti kho ngai. US um Vanzangg khuami hi Sushi dawr (restaurant) a ngeimi an tam ngai.
![](https://thechinexpress.com/wp-content/uploads/2021/03/163156682_465709911145236_6676900135267613531_n.jpg)
![](https://thechinexpress.com/wp-content/uploads/2021/03/163528905_476320976847233_8763044614300066308_n.jpg)
![](https://thechinexpress.com/wp-content/uploads/2021/03/160918706_475864960226168_1315175273481509935_n.jpg)