Online ah ralkap uknak duh lonak kong a ttial i hmanthlak a tartu Myanmar palek 2 cu Kyangin (ကြံခင်း) khua palek sakhan nih a tlaih hna.
Tlaih tongmi hna i an pa U Thant Sin nih, “Ni zaan ah an tlaih hna. Ka fale 2 cu tong dingin sakhan ah nawl ka hal nain atu tiang ka tong kho rih hna lo,” tiah a chim.
Tlaih tongmi hna hi palek Thu Rain Linn le palek bawichang Tryar Linn an si.
Mipi ca rianttuan dingin palek kan luhmi a si. Ralkap ca rianttuan dingah palek kan luhmi si lo.
Ralkap namnehnak hi mipi lei ah ttang in kan ven lai tiin online ah an ttial ruangah atu bantuk in an tlaih hna hi a si.
Thu Rain Linn cu ralkap nih uknak a chuh hnu in palek rian in aa phuak.
Palek Thu Rain Linn hi palek a ttuannak kum 7 si cang i palek bawichang Tryar Linn hi palek a ttuannak kum 4 a si cang tiah a pa nih a chim. – VOM
