One Championship i Light heavyweight Champion taisawm i cuh dingin Aung La Nsang le Reinier De Ridder cu April 28 (US caan) ah an i phomh tthan lai.
Kawlram caan cun April 29 zinglei ah a si lai. US ummi nih TNT ah zoh khawh a si lai.
Aung La Nsang cu hmasa ah Vitaly Bigdash he i phomh ding an si. Nain, Vitaly Bigdash cu Covid-19 zawtnak a ngeih ruangah an let tthan.
Mah kongah Aung La Nsang nih, “Nan dam hna maw? Atu hi Light Heavyweight Champion ka taisawm vennak puai caah Singapore ram ka phan.
![](https://thechinexpress.com/wp-content/uploads/2021/04/Aung-La-Nsang-le-Ridder-1024x1024.jpg)
“Keimah he aa phomh dingmi minung an i thleng kho.
“Light Heavyweight Champion taisawm veng dingin hmasa ahcun Russia rammi Vitaly Bigdash he i phomh ding kan si.
“Nain, Bigdash cu Covid-19 zawtnak a ngeih ruangah Ridder he i phomh dingin an thlen. Ridder sin zongah Covid-19 zawtnak rungrul an hmuh ve.
“Keimah le Ridder cu Kawlram caan April 29 zinglei sml 7:00am hrawng ah Light Heavyweight Champion taisawm kan i cuh lai. A tthabik in kaa zuam ko lai. Myanmar rampi deihnak hmu zau ko seh” tiin a Facebook page ah a ttial.
Nikum 2020, October 30 ah Aung La le Ridder cu Middleweight Champion taisawm an i cuh i Ridder nih round 1nak ah a rak tei.
Aung La Nsang i Light Heavyweight Champion taisawm vennak puai cu Singapore ram, Indoor Stadium ah an tuah lai.