US ram ah ummi Rual-U USA phu nih ralhrang Myanmar ralkap ruangnah harnak tongmi Yaw ram caah $4,085 (Kawlram ting 70) an hlut, tiah kan theih.
Yaw ram an timi cu Chin ramkulh he aa rimi Magway ramṭhen i Gangaw district khi asi. Gangaw peng, Saw peng, Kyaw peng, Khaukhtoh peng le Htilin peng vialte hi asi.
Gangaw district (Yaw ram) hi Mindat le Kanpetlet he aa rimi asi caah Chinmi tampi an umnak asi.
Rual-U USA phu nih Yaw ram (Gangaw Chinmi) caah ting 70 an hlutmi cu US ram, Indianapolis khuapi hrambunh Chin Community of Indiana (Chin Center) ah an pek. Chin Center nih bawmhnak dang he a kuat te hna lai.
“Rual-U USA nih ralhrang ruangah harnak a tongmi Yaw ram caah $4,085 an hlutmi cu Chin Community of Indiana (CCI) nih kan cohlan,” tiah CCI nih a chim.
“Yaw ram (Gangaw, Saw, Kyaw, Khaukhtoh le Htilin) ahhin Chinmi tampi an um,” ati.
