Thawngṭha: 2013 UNHCR Card Chuh Cangmi Pawl Sok Ṭhan Khawh Asi

Tu zaanlei (February 5) 4pm in 5pm tiang UNHCR le Malaysia Chin ralzaam bu hruaitu hna online meeting an tuah i thawngpang ṭha a kan phorh.

Mah thawngpang hi February 5 ah kan post cangmi asi nain a biapi tukmi si caah a hngal rih lomi nan um sual lai tiin tuni April 24 ah kan post ṭhan. Nan hawile chungah 2013 card/catlap chuhmi an um cun rak kua cio hna ulaw.

1. 2013 UNHCR card/catlap chuh cangmi pawl kha, ruahpiak ṭhan dingin sok/nawl khawh asi, tiah UNHCR nih a chim.

Nain, nawlnak ca nan ṭial tikah a herhmi tling tein email in na kan kuat lai. Na kan kuatmi thil sining zoh in UNHCR card/catlap pek awk tlak na si/lo bia kan khiah lai. Email cu atanglei bantukin na kan kuat lai.

Subject zawn ah Reopening Request (na UNHCR number)

Cakuat ṭialnak zawn ah zei ruang dah UNHCR nih card/catlap an pek ṭhan awk asi timi aruang ṭha tein na ṭial lai i nai tlaih liomi phone number na ṭial chih lai. Mah hnu ah UNHCR email mlslursd@unhcr.org ah na kuat lai.

2. UNHCR card a ngah bal lomi mithar card/catlap pek zong hi UNHCR nih biapi in kan i hmaithlakmi si ko nain thok kan timh lio bakah COVID-19 pulrai nih a kan den i cozah nih chawhvah a phih caah kan tuah kho lo.

Nain, ralzaam thar card/catlap pek kong ahcun hmunhma le miphun zoh loin UNHCR phungphai ning tein nanmah pumpak case kan zoh lai i pek awktlak na si/lo kan khiah lai.

3. Tlaih a tongmi ralzaam pawl zong bawmh dingin UNHCR tlaihkhih bawmhnak zung OPI timhcia peng kan si. Lockdown (MCO) a dih cangka in a herh ningin kan cawlcang colh lai.

4. Ram thumnak kal kong he pehtlai in, COVID-19 pulrai a thian cun miphun thleidang lo tein ram thumnak kuat awktlak a simi paoh cu aa tluk tein kan in kuat dih ko hna lai.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...