DONALD J. Trump _ Sual tuah lungthawhternak bia a chim tthan sual lai tiah an hlohpiakmi a si.
Twitter (Cawnninga) ah Trump nih a tialmi cu, “America dawtu 75,000,000 nih thimfung nan ka pek. Nan thimfung le America First le Make America Great Again timi nih hin hmailei ah hmual a ngeite lai, aw thangpi in a aute lai. Tihzah loin an um lai lo i, ningcanglo in tuahto an si lai lo!!!”
A nehhnu ah pakhat a tial thanmi cu: “A ka halmi vialte sinah chim ka duhmi cu president thar biachimnak ah ka kal lai lo.”
A catialnak in a rami comments/shares/ an zoh tikah a him lo, thil tha lo tuah lungthawhternak ah an cang sual lai ti an phan caah a account an hlohpiak hi a si bik.
Cucaah, Twitter nih Trump an hloh thai hi si. Facebook le Instagram zong nih capitol buainak ruangah an hrem ve nain hloh thai cu an chim rih lo.
Israel pa pakhat nih, “Ziah, Iran le Iraq ralbawi pawl nih mi kan thah la, kan tlaih la tiah nawlchuahnak le tlirhkhonhnak a tuahmi hmanh an hlohpiak tung hna lo?” tiah a facebook ah a tial ve. Trump hi cu Israel nih hin an rak tanh ziar ko.
