United Nations Security Council (UNSC) nih Myanmar ralkap uknak chuhmi a cohlan lonak cathanh a chuah.
UNSC cu vawlei daihnak le himnak caah dirhmi bu asi. Ram pakhat ah buainak a um tikah zeitin dah kan tuah lai tiin khuakhangtu bu asi. Buainak um tikah bia ruah dingin palai an thlah silole sipuaizi an phihpiak. Mah hnu zongah a daih hlei lo ahcun chungtel ram ralkap an thlah i an tuk. Chungtel ram 15 an um. Ram 5; US, China, Russia, UK le France hi zungzal chungtel an si i ram 15 biakhiahmi leetnak nawl (veto power) an ngei.
February 1 ah ralkap nih Rampi Ruahnak Petu Aung San Suu Kyi le President Win Myint telh in cozah rianṭuan pawl na tlaih hna i kum 1 chung poipang na thanhmi hi kan lungṭha lo tuk hrinnghran.
Na tlaihmi vialte a rannak in thlah dih hna.
UNSC chungtel ram pawl nih Myanmar ram hi democracy asi khawhnak hnga kan bawmh a herh, an ti cio.
Mipi duhnak zauk phung na zulh, buainak chuahter nai sum le nuhrin covo, mipi zalonnak le upadi na upat a herh.
Myanmar mipi duhning tein bia i ruah ulaw rualremnak ser uh.
Zatlang bu, thawngla le media rianṭuan na khammi hna zong hi UNSC chungtel ram pawl kan lungṭha lo tuk.
Hartongmi bawmhnak petu zong kham hna hlah law him tein pek ter hna. Cun, UN bawmhnak vanlawng zong Myanmar ram ah luhnak nawl pe ṭhan.
Rakhine state buainak hrampi zong na tawlrel a herh i umnak ngei lomi vialte him tein, limhang ngei tein le a hmun dingin an kir khawhnak hnga na tuaktan piak hna a herh.
