UNHCR Zung i RSD phu nih atanglei bantukin thawng a kan thanh, tiah ACR nih a chim.
“UN card chuh hnu ah nawlnak ca a ṭial ṭhanmi na si ahcun December 24 hlan hrimhrim ah atu lio na hmanmi phone number kan kua uh, tiin RSD nih thawng a kan thanh.
“Cucaah, pel lo tein atu lio nan phone number cu mah hi hmet ulaw pe hna uh,” tiin ACR nih a chim.
2013 ah UN card pek i 2018 le 2019 ah chuh ṭhanmi pawl cu an konglam kan zohpiak ṭhan hna lio asi, tiah UNHCR Malaysia hruaitu Mr. Thomas nih a chim.
Card/catlap chuh hnu ah email in nawlnak ca a ṭialmi pawl cu atu hi UNHCR nih a pehtlaih thluahmah hna, cucaah nan kuatnak email kha zoh lengmang i zuam uh.
Chuh hnu ah nawlnak ca a ṭial bal lomi na si ahcun atu a rannak in ṭial khawh i zuam. Na thiam lo ahcun ralzaam bawmtu bu ACR, CRC, FRO, tbk ah bawmh va hal hna.
