14.3 C
Hakha
Tuesday, April 20, 2021
- Advertisement -

Ṭial Tharmi

US ah kum 67 Asian tarpa minung 3 nih tuksapur in an velh

US ram, San Francisco khua i Chinatown sang um thil suknak dawr ah pa pathum nih kum 67 asi cangmi Asian tarpa an velh lio video cu ABC news nih nizaan ah a tar i mi tampi an lungrawk tuk cio.

An velh hi February 23 zaan 10pm ah asi nain hohmanh nih an velh lio video an hmu lo. ABC news thawngla nih dawr CCTV a check i nizaan ah an velh lio video a phozar hi si. Nain misual 3 cu an mui fiang tein a lang lo.

Nai hrawng cu San Francisco khua ah Asian mi pawl nek, velh le mawṭaw firpiak an tong tuk.

Misual 3 a hngalmi cu $2,500 kan in pek hna lai tiah San Francisco palek nih mipi bawmh an hal hna.

“Maw Pathian, a thinphan tuk ning kha. An tuahsernak cu tuksapur le thinphang taktak asi,” tiah thil suknak dawr pawngah dawr a ngei vemi pakhat nih ABC News ah a chim. “Ka zoh sia zong rem lo… tar asi cangmi hna khatin ṭuangah thluk le velh cu zaangfak tuk asi,” ati.

Tarpa cu an velh pinah $200 an chuh chap rih. Dawr chung ṭhutden cung a ṭhut lio ah an lamh. A ke in ṭuang ah an hnuh, a chukbaling in an tlaih i a zaal vialte an purh dih.

Kan hnu thla thokka zongah Oakland khua Chinatown sangah kum 91 asi cangmi Asian tarpa cu lam a kal lio ah hlonh tlu lakin an nam.

Mahka hrawng hin nai chung lawngah Asian mi 24 leng tukvelh le serhsat an tong cang. Cutin a tuahtu tam deuh cu Minak le Mirang an si.

- Advertisement -

Ṭial Tharmi

US pa cu vom nih thi lakin a seh

US pa cu vom nganpi nih thi lakin a seh, vom cu palek nih an kah thah, tiah US media pawl nih an thanh. US...

CCI President Peter Thawnghmung: Zei Ruangah CNF Ka Ṭanpi?

Peter Thawnghmung cu USA ram ah ummi mifim cathiam, chawva tampi a kawl khomi asi. Chin Community of Indiana (CCI) president zong asi. Chinmi...

Pu Maung Ha (ralkap cozah chungtel) cu EU nih dantat ve

Chin miphun a simi Pu Maung Ha cu EU nih ralkap cozah (State Administrative Council - SAC) hruaitu pawl dan a tatmi hna lakah...
- Advertisement -

Thawngṭha: EU nih Myanmar ralkap cozah lutlai 10 le company 2 dantat

Europe ram 27 kawmhmi bu European Union (EU) nih "phungninglo Myanmar ralkap cozah SAC hruaitu minung 10 le ralkap company 2 dan kan tat...

Laipa Joshua Thawng nih Fury Fighting Championships 45 ah teinak a hmuh

Kan Laipa Joshua Van Bawi Thawng nih April 18 ah US ram ah tuahmi Fury Fighting Championships 45 ah teinak a hmuh tthan. Lawmhpi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -