US: CCI nih Kawlram CDM tuahtu $38,000 bak a bawmh hna

US ram ah Chinmi tambik kan umnak Indianapolis khuapi hrambunh Chin Community of Indiana (CCI) nih semnak Kawlram ralkap dotu (CDM tuahtu) pawl $38,000 (Kawlram ting 500 leng) a kuat hna.

Bawmhnak tangka cu Kawlram chung khua/peng 6 le India lei zaammi tiin a phawt cio hna.

Atu lio cu Kalay peng hi buainak a fah bik caah bawmh an herh cem tiin $12,000 a kuat hna.

Yangon le Mandalay zong $5,000 (ting 70) veve a kuat hna.

Chin state peng 3; Mindat, Kanpetlet le Paletwa zong $3,000 (ting 40) cio a kuat hna.

CDM tuah ruangah India ah a zaammi kan unau pawl zong $7,000 (Rs ting 5 leng) a kuat hna.

CCI hruaitu pawl nih an ti khawh tawk cio an thawhmi, Indianapolis khuapi um Chinmi pumpak nih CDM caah an ti khawh tawk an thawhmi, TAO, Amazon, Novia, Meritor, Ultra Beauty, Walmart, Tempu Sealy, Penske Logistics le Abacus Corporation company rianṭuan Chinmi nih an thawhmi pawl fonh in $38,000 an bawmh khawh hna hi si.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...