US Ramdang Vuanci Pu Blinken (hmanthlak) nih, “Ukraine nih teinak a hmuh lai,” tiah a chim.
“Russia nih Ukraine a tukmi hi a dongte ko lai. A dongh tik ahcun Ukraine nih teinak a hmuhte lai.
“Russia nih ralkap tam deuh tuk le hriamnam ṭha deuh tuk a ngeih ko. I fak chinchin in Ukraine hi a tuk peng ko lai. Nain ralkap tei le ral tei timi hi aa khat lo.
“Khua lak hi mipi thinlung lak he aa khat lo. Russia nih Ukraine khuapi pawl a lak khawh hna zongah Ukraine mipi thinlung a la kho lai lo. Ukraine mipi an ralṭhat ning hi zoh tikah Putin duhning le Russia kuttang ah an um bal lai lo ti a fiang.
“Cucaah, tu hnu zarh 1 maw a rauh lai, thla 1 maw, kum 1 maw… nain a donghnak ahcun Ukraine nih teinak a hmuh ko lai.
“Ukraine nih teinak a hmuh lai ti cu ka hngalh ko, nain ral hi tuan deuh ah donghter kan duh. Mipi sau tuk an tuar ding kan duh lo,” ati.
US le NATO nih Ukraine sinah ral tuknak vanlawng kuat dingin khua an khan – hmet law relchap
