Australia um Western Australia Chin Christian Church (WACC) khrihfabu nih kan Chin Miphun Ralkap (CNA) caah $100,000 (Kawlram ting thong 1) a hlut.
‘Miphun himnak le runvennak caah’ tiin kan Chin Miphun Ralkap (CNA) caah dollar ting 1 bak a hlut hi si.
Khuaza ramkip um Chinmi vialte kan i lawm cio ṭheo lai.
WACC khrihfabu cu Western Australia state khualipi Perth khua ah ummi asi. Perth hi Australia ram ah Chinmi tambik 2nak khua asi.
Australia Chinmi hi ram le miphun caah upat bochan awktlak taktak in a dirmi an si. Mipi nih ralkap dohnak CDM ca zongah dollar ting tampi an hlut cang.
Australia Chinmi nih CNA caah dollar ting 5 an hlut cang
Adelaide khuapi um min langhter duh lomi Chin khrihfa pakhat nih CNA caah dollar ting 1 a pek. Mah hi hmet law rel khawh asi.
Melbourne khuapi um Chin khrihfabu pakhat nih dollar ting 1 a pek. Mah hi hmet law rel khawh asi.
Perth khuapi um Chinmi pumpak le chungkhar nih dollar ting 1 leng an pek ve. Mah hi hmet law rel khawh asi.
Brisbane khuapi um Chinmi nih $40,000 dengmang an pek. Mah hi hmet law rel khawh asi.
Melbourne khuapi um Pu Tum Hrang le Pi Biak Thluai chungkhar nih $10,000 an pek. Mah hi hmet law rel khawh asi.
Melbourne, Adelaide, tbk um pumpak nih an pekmi pawl he cun dollar ting 4 hrawng asi cang. Khrihfabu dang le pumpak tampi zong nih an pek thluahmah rih lai i tampi a chuak rih lai tiah zumh asi.
