August 4, 2021

CDF-Zophei cu CNF hruainak in kan cawlcang lai

Thantlang peng tlang nganbik a simi Zophei tlang nih Chinland Defense Force – Zophei (CDF-Zophei) a dirhnak kong thawng a thanh ve cang.

“Kawl Ralkap uknak thlak in Federal Democracy ram dirh dingin April 4, 2021 ah Chinram hmunkip ah Chinland Defense Force (CDF) dirh asi cang. Cu bantukin kannih Zophei zongah April 16 in CDF-Zophei kan dirh ve cang,” ati.

“CDF-Zophei cu ramkhel kongah Chin National Front (CNF) hruainak in kan kal lai. Chin National Army (CNA), Chinland Defense Force (CDF) le National Unity Government (NUG) dirhmi People Defence Force (PDF) le tlangcung hriamtlai phu dang hna he i bawm in kan doh ṭi lai.

“CDF-Zophei nih Ralhrang Ralkap lawng si loin Innhngak Cozah (Caretaker Government) ah aa telmi upa pawl le anmah he pehtlaihnak a ngeimi le anmah sinah thawngthanhtu dalan vialte fak piin kan doh hna lai,” ati.

Hmasa thawngpang

Vanzangtlang khua 3 ah CNF thantar thlai in sianginn an on cang hna

Hnu thawngpang

Malaysia ram hruaitu PM phuah/lo Hluttaw ah vote an thlak lai

Lian https://thechinexpress.com

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.