December 2, 2021

Kawl Ralkap nih PDF sakhan a lak khangh, PDF ralkap 7 a tlaih hna

Uknak firtu Myanmar Ralkap nih ralkap le hriamnam tam taktak in Shan state chaklei Thein Ni – People Defense Force (TN – PDF) sakhan a kah lak khangh.

PDF ralkap 7 a tlaih hna i tampi hma a hmuah hna.

Ni 2 chung an i kah hnu ah Kawl Ralkap 3 an thi i tlawmpal hliam an tuar.

Kawl Ralkap tam tuk nih hriamnam ngan in a phomh bakin an phomh hna. Ralkap milu le hriamnam thazaang aa thlau tuk caah TN-PDF nih an sakhan an zaamtak.

Kawl Ralkap nih TN-PDF ralkap 7 an tlaih hna. An i kah lio ah PDF ralkap tam nawn an hliam hna.

TN-PDF sakhan cu an lak hnu ah ciam dihlak in an khangh.

Hmasa thawngpang

Thawngṭha: UN nih Kawl Ralkap cu Myanmar ram aiawhnak nawl a pe lo, Pu Kyaw Moe Tun nih a aiawh rih ko lai

Hnu thawngpang

US ram ah ṭihnung tukmi COVID-19 hrik thar ‘Omicron’ an hmuh ve cang

Lian https://thechinexpress.com

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.