Tu zaanlei 3:30pm hrawngah tank 2 le motor 50 hrawngin Kawl Ralkap tam taktak Hakha an lut. Falam in a rami an si.
Ralkap motor lakah lam remhnak JCB pakhat aa tel ve.
Nizaan kha Ramthlo khua Baptist Biakinn le AG Biakinn ah an riak i tu zingka ah Hakha lei an ra.
Ramthlo khua lonh um Dokthek khua le Chuncung khua kar Chin ralkap nih an kah hna nain an kham kho hna lo.
An kalnak ding hmailei lam ah Chin ralkap an um sual lai tiin tank in an kah pah. Hakha an luh lio ahcun ke ralkap pawl cu ke in an kal.
Ralhrang Kawl Ralkap pawl cu Hakha an luh pah in Hakhathar Baptist Church pawng hrawng ah mi an bawh i mi inn chung zong ah an lut len.
Nizaah i Ramthlo khua an riah lio ah inn 100 leng an baoh i rawl le thil vialte an fir dih pinah inn chungthil an hrawh dih.
Innzuat saṭhil tampi an kah thah ei hna. Vok pakhat an kah thahmi cu Hakha lei an i phorh khawh ti lo caah an kaltak.
Sia 1 zong an kah thah i an kaltak. Saikal 3 zong an hlonh rawh ta hna.
A linsami thawngpang pawl;
- CNF ralkap Aung Lin Tin a nunnak liam [hmet law relchap]
- Kawl Ralkap nih Khrihfa hruaitu le Khrihfa biakinn an hman hna tiah a zaammi ralkap nih a phuan
- Ralkap nih Taal khua ah inn 4 an khangh, inn 3 miakpi in an kah hrawh
- Falam peng Chin ralzaam 2,000 leng an phan cang
- Salai Htet Ni: Chin ralkap nih Kawl Ralkap 30 hrawng kan thah hna, 40 leng kan hliam hna
- Hakha SAC ralkap a zaammi Hin Lian Piang nih SAC policy le dirhmun a phuan
