“Russia President Vladimir Putin nih Ukraine tuk dingin bia a khiah cang. A ra laimi ni tlawmpal chungah a tuk cang lai,” tiah US President Joe Biden nih tuni ah a chim.
“Hmai zarh chung, a ra laimi ni tlawmpal chungah Russia ralkap nih Ukraine ram luhhnawh in tuk an timh tiah kan zumh.
“Russia nih Ukraine khualipi Kyiv hi tuk le lak hmasa cem aa zuam tiah kan zumh,” ati.
Kum 2014 zong ahkhan Russia President Putin nih Ukraine ram, Crimea state a tuk lak cang.
Atu zong hi Russia ralkap ting le cheu (150,000) hrawng nih tank, missile, nuclear, helicopter le ralkap vanlawng in an kulh dih cang.
“Ukraine um US minung vialte a rannak in Ukraine chuahtak dih uh. Russia nih Ukraine a tuk khawh men,” tiin kan hnu zarh ahkhan US Ramdang Vuanci Zung nih Ukraine um a rammi pawl ralrin peknak thawng a thanh cang.
