Kuala Lumpur ummi pawl nan UNHCR card siloah catlap ni thla a thih (tatṭan dih) cang ahcun atanglei langhtermi hi tuah hrimhrim uh:
1. UNHCR sinah na phone number thar pe
- Na phone number thar cu UNHCR le Malaysia Ralzaam Pehtlaihnak website [hmet] ahhin pe law kan duh cem.
- SMS cakuat zongin pek khawh asi. Pek ning cu mah hi hmet law rel.
- UNHCR Minkhumhnak phone number 017 614 3810 zongah chawnh in pek khawh asi (Nikhatni in Ningani tiang zingka 8am in zaanlei 4pm tiang chawnh khawh asi).
2. UNHCR Malaysia sinah atu lio na umnak (address) pe
- UNHCR le Malaysia Ralzaam Pehtlaihnak website [hmet] ahhin pe law kan duh cem.
- UNHCR Minkhumhnak phone number 017 614 3810 zongah pek khawh asi ko (Nikhatni in Ningani tiang zingka 8am in zaanlei 4pm tiang chawnh khawh asi).
Theihternak: Na phone number thar na pek cang ahcun atu pek ṭhan a hau ti lo. A pe rih lomi ca lawngah si.
Zaangfah tein philh lo ding: Zawtnak a karh ruangah MCO an pehzulh i state-dang kal an onh rih lo. UNHCR nih thil sining ṭhat lei a panh tiang kan hngah pah in, Kuala Lumpur um ralzaam le ralzaam-soktu hna caah cun pehzulh in rian kan ṭuan ko lai. State-dang kal an phihmi telh in, MCO zulhphung an tuahmi vialte hi ralzaam le ralzaam-soktu hna nih ṭha tein nan zulhnak lai theihter ṭhan kan in duh hna.
Atangah, anmah UNHCR holhlet nih Laica in an lehmi zong rel chih khawh asi.
Ralzaam le Ralzaam-soktu aa dannak theihtlei
• Refugee (ralzaam) cu Ralzaam Dirhmun Biachahnak (Refugee Status Determination or RSD) interview a awng cangmi pawl an si.
• Asylum-seeker (ralzaam-soktu) cu ralzaam a sok ve ko nain RSD interview a awng rih lomi pawl (cohlan rih lomi pawl) an si.
Malaysia dirhmun in chim ahcun, 2013 ah RSD interview phit loin UNHCR card pekmi pawl kha ‘ralzaam-soktu (asylum-seeker)’ an kan ti. RSD interview kan awn tik ahcun ‘refugee/ralzaam’ an kan ti ve te lai.
Rel tlolh hlah:
- US nih tu kum chungah ralzaam 62,500 a lak lai
- UN Security Council nih Myanmar kong voi 4nak meeting a tuah i China duhning in bia a chah ṭhan
- Malaysia Chinmi tamnak Kuala Lumpur le Selangor an lockdown (MCO) lai
- Canada ummi nih Malaysia le India um Chin ralzaam lak khawh an si
- Hakha khuami nih uknak firtu Myanmar ralkap 4 an thah hna
